Breaking
Opposition leaders have reaffirmed their commitment to forming a united front ahead of the 2027 General Election, declaring that financial inducements from President William Ruto will not sway voters from removing him from office. Opposition leaders have reaffirmed their commitment to forming a united front ahead of the 2027 General Election, declaring that financial inducements from President William Ruto will not sway voters from removing him from office.
Blog Oct 28, 2026

EKEOMBE KIA KUNOPET KOBEKA ESEI N’KAONTI YA NYAMIRA

S

Stephen Nyariki

3 weeks ago

EKEOMBE KIA KUNOPET KOBEKA ESEI N’KAONTI YA NYAMIRA

Ekaonti ya Nyamira nigo yabekire esei n’ekeombe gekoegerera abaorokia ba ECDE, esei erachie gwanchera ekeombe ekio komanyekana ase richiko n’ekaonti eywo nagochia gwancherwa kebe kegoisaransa ase emesa ekero babwate amaganio baganetie arigererigwe.

 

KUNOPPET (Kenya Union f Pre-Rimary Education Teachers) nigo konye ase orosagia rwa Nyamira bare omogiro ase koreng’ana na n’omogabana bw’ekaonti ya Nyamira Amos Nyaribo atebire, ng’aa, nigo konye bare omogiro mamincha n’erichiko naigo, tibagochia goakanwa engaki barenge omogiro oywo.

 

“Echi n’echibesa chi’ebango y’abanyamira, timogwakanwa ase motakorete egasi.” Ekwana y’omogabana Amos Nyaribo.

 

Ase omoyega okorekanete ase obisi y’omogabana chitariki 23/20/2026, nigo ekero ekio Nyaribo ababoretie abarimu ba ECDE bairane ase emeremo yabo yogosomia abana abwo konye  bare  inka goika chisukuru chiasikirwe bono.

 

Korwa ase ekeombe kia ya KUNOPPET inse y’omoriki obo ase ense ya Kenya Samuel Opiyo, nigo aerera buna nigo barachie koirana emeremo ekero rioka barachie kobeka esei yokoirana emeremo.

 

Ekaonti ya Nyamira nigo yarikire abarimu 530 ase enchera  eng’ikeranu ase korende 390 bare inse y’ekonda abwo barachie kobekwa ase ebacheti y’omwaka bwe 2026/2027 omotienyi ogatano na kabaere koreng’ana n’ekwana ya Nyaribo.

 

ECDE nigo yabeire n’eng’usanano egati y’abarimu n’eserikari y’ekaonti ya Nyamira ase e’term engima ya gatato, kobwatekana nogotaakanwa kw’abarokia abwo koreng’ana n’ekeombe getenenerete eng’eri kia SRC.

 

Boigo abarimu ba ECDE abwo bare inse y’ekonda ba phase III, nigo babeire n’okoemurangania bokong’u, ase keria bagoteba batigirwe isiko ase okorikwa kegima.

 

Ekaonti ya Nyamira nigo yachagetie omoroberio bw’okoenana erongori gochia ase abaorokigwa ba ECDE na boigo ogochakigwa kw’amasomo y’ekerero ase abana beene na boigo okorosigwa kw’ebirasi bia ECDE ase egati y’echisukuru.

Share

Stay Connected

Get the latest Omogusii news and show updates delivered to your inbox.