Ase omwaka oyo iga bwe chibesa bwe 2026/2027, nigo ebunge y’ekaonti ya Nyamira yaetetie ebacheti y’echibesa chisiringi Ksh. 8,853,355, 525 echio chiabagetwe gochia chisekta aoao. Kera omwaka bwe chibesa bw’eserikari, nigo ekaonti ya Nyamira ekoba kegosirwa n’eserikari enene. Ase omwaka oyo nigo yaetwe chibesa ekerengo kiaye kere Ksh. 6,724,000,000. Amaganio y’ebirengo y’ebango eganetie gosangereria omwaka oyo iga n’echibesa Ksh.165,345,622.
Nigo chisekta aoao, chibageretwe enibo buna ekobwatia:
Obochenu – Ksh. 450,000,000
Emunisibariti ya Nyamira – Ksh. 50,524,034
Emunisibariti ya Keroka – Ksh. 45,800,000
Obokonyi korwa isiko – Ksh. 872,464,215
Chibesa chiatigarete ase ekegancha omwaka o 2025/2026 – Ksh. 386,342,867
Nigo ekaonti etabwenereti goetania ebirengo bia 35% ase ogoakana eng’eri ase 30% ebwenete ebekwe ase amagenderero y’ekaonti. Koreng’ana n’omorigereria bw’ebachati Dr. Marget Nyakang’o nigo agoteba buna ekaonti ya Nyamira nigo egoakana goetania ekerengo kebekire ase eng’eria ase ere ase ekerengo kia 55.2%.